Stefano Gabbana njihet per komentet dhe ironinë që i drejton shumicës së personazheve publikë, por jo vetëm. Së fundmi objekt i kritikave të tij është bërë dasma e bloggeres së njohur Chiara Ferragni. Bukuroshja u martua të shtunën që lamë pas dhe asnje detaj i dasmës nuk kaloi pa komentuar.
E veshur me “Dior”, biondja shkëlqeu dhe shijoi në maksimum gjithçka. Sigurisht deklarata e stilistit nuk mungoi. Ai komentoi në një postim të “Harper’s Bazaar UK” në Instagram. “E lirë”,-shkruajti ai, pa asnjë sqarim dhe kaq mjaftoi që fansat të reagonin, duke i shkruar se duhet të ndihej i turpëruar.
Një komentues i ka shkruar se reagimi i tij ishte i padrejtë pasi është i inatosur që Chiara Ferragni nuk veshi një fustan të dizenjuar prej tij. Por nuk ka vonuar kundërpërgjigjia nga Stefano: “Jo. E gjithë dasma ishte komplet e pavlerë”. Edhe njëherë tjetër Gabbana e fitoi vëmendjen me komentet e tij negative./revistawho.com
