Surbi Çandna: Nuk doja të bëhesha aktore por ja çfarë më ndodhi

Aktorja indiane Surbhi Chandna është bërë tashmë shumë e njohur jo vetëm në Indi, por kudo ku seriali “Bixhoz me dashurinë” po transmetohet, për shkak të rolit të saj si “Anika”. Ky rol i dha aktores famën e madhe dhe shumë çmime. Madje Surbhi së fundmi ishte zgjedhur të ishte pjesë e jurisë së eventit “IWMBuzz”. Aty aktorja mbajti një fjalim për suksesin që ka arritur. Surbhi tregoi se nuk donte të bëhej aktore por bota e famës e bëri për vete. “Unë vij nga një familje që i jep shumë rëndësi edukimit. Prandaj unë e mbarova shkollën dhe fillova punë. Mendoj që edukimi luan rol të rëndësishëm në formimin e vetvetes. Unë nuk doja të bëhesha aktore por kishte diçka magjepsëse në botën e televizionit. Prindërit më jepnin kurajo por në fillim donin të mbaroja studimet. Nuk kam marrë mësime për aktrim. Mësova nga eksperienca. Preferoj të jem natyrale në ekran dhe ta jetoj rolin që bëj. Mora shumë dashuri kur aktorja në Bixhoz me dashurinë. Fansat vinin në xhirimet dhe festonin për çdo sukses sado të vogël që kisha arritur dhe bënin foto me mua”-tregoi aktorja./revistawho.com