‘Instagrami’ në ditët e sotme është kthyer në një nga aplikacionet më të përdorura nga të gjitha grupmoshat. Vazhdimisht vjen me risi të njëpasnjëshme dhe këtë herë ka menduar edhe për ata që duan të ngarkojnë një video të gjatë, pasi opsionet e vjetra pranonin deri në 1 minutë.
Sot kompania ka publikuar një aplikacion të ri të quajtur IGTV, përmes të cilit do të keni mundësi të ngarkoni video deri në një orë. Video-t do të shfaqen të plota në ekran dhe do të jenë më të gjata.
Ju mund të hyni në IGTV nëpërmjet dy mënyrave: ose përmes butonit që ndodhet lart në të djathtë të llogarisë suaj, ose duke shkarkuar programin më vete. Pasi të keni ndjekur njërën prej këtyre dy rrugëve ju do të keni mundësi të shikoni video që zgjasin deri në një orë. Gjithashtu ju mund të ngarkoni edhe video-t tuaja aty./revistawho.com
https://www.instagram.com/p/BkQYhmdj2qA/?taken-by=instagram
