Surprizat që ju presin këtë sezon në “Opinion”, Blendi Fevziu zbulon disa detaje

Blendi Fevziu është zyrtarisht me pushime por kjo se ka ndaluar të ndajë disa detaje me publikun për sezonin e ri që e pret “Opinion”. Për të gjithë ju që se dini emisioni bën gati 20 vjet në transmetim. Surprizat nuk kanë fund dhe pritet që ajo datë të bashkojë të ftuar nga fusha të ndryshme të jetës. Ndër të tjera ai thotë: “Do nisim më 7 shtator me një transmetim maratonë prej 10 orësh, ku do të jenë të ftuar shumë e shumë personazhe të Opinion për këto 20 vjet”, ka thënë Blendi Fevziu për Gazetën Shqiptare, duke i lënë hollësitë e tjera për në fund të gushtit. Duke marrë parasysh se sa i pëlqyer është ky program për shqiptarët, pritet që nata e 7 shtatori, ti “gozhdojë” të gjithë mbas ekranit.