Pak ditë më parë Arbana bëri të ditur se më datë 31 Dhjetor do t’i bënte surprizë një personi që ndjekësit e saj do të etiketonin në postim, duke i dërguar në shtëpi një gjel deti të gatuar nga ajo.
Arbana zgjodhi një emër mes shumë komenteve dhe dje fituesi ka marrë surprizën më të bukur. Së bashku me Eduardin, Arbana shkoi në shtëpinë e Irakliut, një pensionist, i cili jetonte vetëm pasi një vit më parë kishte humbur bashkëshorten dhe të bijat jetonin jashtë vendit.
“Dje, gjate paradites zgjodha nje nga 5 mije e ca mesazhet qe kishin ardhur ne lidhje me idene qe kisha per te bere te lumtur nje person te dashur te nje prej ndjekesve te mi. Kurre s’do ta kisha imagjinuar qe ky njeri do te me emociononte aq shume e do te ma ngrohte zemren ne ate menyre. Irakliun e gjetem vetem, me kujtimet e tij, larg vajzave, te cilat ne naten e nderrimit te viteve e vetmja gje qe donin ishte qe babai i tyre te trokiste goten me dike. Gezuar, ky eshte nje dedikim per te gjithe ata qe kane humbur nje njeri te shtrenjte ne vitin qe lame pas, me shpresen per te gjetur force e shijuar jeten, me te gjitha te papriturat qe sjell, qofshin keto edhe nje pjate e thjeshte me gjel e pershesh”-shkruan Arbana, e cila në ditën e fundit të një viti aspak të lehtë, ka bërë dhe ka marrë surprizën më të bukur.
View this post on Instagram
