Aktori i njohur Gert Ferra ka rrëfyer një moment personal dhe shumë emocional gjatë një interviste në emisionin “S’e luan Topi”. Gjatë bisedës, ai foli për një periudhë të vështirë gjatë pandemisë, kur ai dhe partnerja e tij, Grejsi, kishin në total vetëm 180 lekë për një test shtatzënie.
“Kishim vetëm 180 lekë në xhep, unë dhe Grejsi u bëmë bashkë dhe bëmë 180 lekë. Ishte kohë pandemie. As 200 lekë nuk i bënim dot për një test shtatzënie,” tregoi aktori, duke prekur publikun me sinqeritetin e tij. Në përpjekje për të blerë një test, ai u detyrua të shkonte te farmacistja që e kishte mikeshë.
“I thashë do ta kthej 20 lekëshin. Do të ta kthej se më shkon ters”, kujton ai me një buzëqeshje të lehtë. Por momenti bëhet edhe më i veçantë kur Gerti ndalet te një ëndërr që kishte parë po atë ditë, një mesazh i fortë emocional nga gjyshi i tij i ndjerë.
“Ate ditë kisha parë një ëndërr me gjyshin, ku më thoshte: ‘Tani u bëre burrë, të keqen baba’”, rrëfen aktori me emocione të dukshme. Ai shton se vajza e tij, Odri, ka ditëlindjen në të njëjtën ditë me gjyshin e tij, një detaj që e lidh edhe më fort me atë kujtim të çmuar.
