Arbana Osmani ka treguar shpesh se ka një lidhje shumë të ngushtë me djalin e saj, Jon. I vogli rritet dita-ditës dhe tashmë është kthyer në mikun më të mirë të nënës së tij. Pavarësisht se Arbana është e angazhuar me shumë punë, gjithmonë ka gjetur kohën e duhur për t’ju dedikuar edhe djalit të saj. Tashmë Jon është pak më i rritur dhe di si ta surprizojë mami Arbanën qoftë edhe me një gjest shumë të vogël. Moderatorja ka publikuar në ‘Instagram’ një foto, në të cilën shihet shumë e lumtur se vogëlushi i saj i ka dhuruar një tulipan. “Tulipan nga i dashuri im”, shkruan Arbana në foton më të ëmbël me të birin.
Ashtu si gjithmonë ajo është kujdesur që ai të shfaqet në profil, për të ruajtur deri në fund privatësinë e tij. Arbana dhe Jon udhëtojnë shpesh bashkë dhe në këtë foto duket se janë diku jashtë vendit. Kujtojmë se Jon është djali i vetëm i moderatores dhe prandaj lidhja mes tyre si nënë e bir është kaq e fortë. /revistawho.com
