Tashmë që Gigi ka nisur një lidhje të re, Zayn ndihet akoma më i trishtuar për ndarjen me të

Zayn Malik nuk ka qenë shumë prezent me daljet e tij në publik këto kohë, pasi i dha fund lidhjes me Gigi Hadid. Siç duket kjo ndarje ka ndikuar keq tek këngëtari i njohur, e prandaj ai është munduar të shmanget sa më shumë nga publiku. Madje tashmë që Gigi ka nisur një romancë të re me Tyler Cameron duket se Zayn ndihet shumë i trishtuar për ndarjen e me të. Në fakt burime pranë tij kanë treguar për “Us Weekly” se këngëtari e ka vuajtur gjithmonë ndarjen nga modelja dhe se ai ja ka ndjerë mungesën. “Ai ka qenë shumë i trishtuar pas ndarjes. Çdokush po e mbështet Gigi-n që ajo po vazhdon përpara dhe nuk e mban mendjen te Zayn. Nuk ishte një lëvizje e mirë lidhja mes atyre të dyve, sepse ajo nuk ishte një situatë e shëndetshme për Gigin”, kanë thënë burimet pranë tyre. Zayn ka treguar shpesh me gjestet e tij se e ka dashur modelen, ndaj kjo ndarje e ka lënduar shumë. Këngëtari bleu një apartament 10 milionë dollarë në New York vetëm për të qenë pranë Gigi-t dhe pas ndarjes ky apartament është nxjerrë sërish në shitje. /revistawho.com