Siç mund ta merrni me mend, shumë nga personazhet e showbiz-it janë të pasionuar pas tatuazheve. Madje, disa prej tyre numërojnë disa në trup. Që nga Getoar Selimi, Dafina Zeqiri e deri tek Eugent Bushpepa, janë vetëm disa nga artistët që kanë pikturuar simbole, figura, apo fjali në trup… Le të njihemi me ta.
Rrokeri i njohur dhe shumë i dashur për audiencën shqiptare, Eugent Bushpepa është një ndër të shumtët artistë të këtij zhanri muzikor që është i apasionuar pas tatuazheve. Një prej tyre Genti e ka në krah, madje shumë të dukshëm.
Dashurinë për tatuazhet e ka shfaqur hapur edhe këngëtarja Jonida Maliqi, e cila deri tani numëron 5 tatuazhe në trup. Megjithatë këngëtarja planifikon edhe disa të tjerë. Mes tatuazheve më të veçanta për të është emri i djalit të saj në shtyllën kurrizore dhe një tatuazh në gishtin e unazës së martesës, të cilin e ka bërë të njëjtë me bashkëshortin e saj.
Nuk ka dyshim që Dafina Zeqiri i pëlqen shumë tatuazhet. Vetë këngëtarja është shprehur se nëse do të mundej do ishte e gatshme të pikturonte të gjithë trupin. Gjithsesi, Dafina është limituar vetëm me disa, të paktën deri tani, pasi siç ka thënë ajo, të tjerë tatuazhe do të vijnë në të ardhmen.
Me siguri vajzave nuk u kanë shpëtuar tatuazhet e Lorik Canës. Kapiteni i Kombëtares Shqiptare është jo vetëm adhurues i tatuazheve, por edhe i simboleve kombëtare. E për këtë arsye, Loriku ka pikturuar disa simbole patriotike në krahun e tij.
Edhe Dj Blunt, reperi simpatik i njohur për natyrën e tij ekstravagante nuk ka mundur të qëndrojë jashtë kësaj liste. Dj Blunt ka realizuar disa tatuazhe në të dy krahët e tij.
Dy krahët e reperit Getoar Selimi duken si telajo plot piktura. Nisur që nga një portret femre, shenja identifikuese e Rolling Stones, një shkronjë “G”, janë vetëm disa nga tatuazhet e reperit, i cili siç ka treguar, nuk ka ndërmend ta lërë me kaq.
Tuna është nga ato këngëtare që nuk kalon pa vëmendje. Edhe tatuazhet e saj janë shumë të veçantë. Këngëtarja ka pikturuar një dorë të çuditshme në krah, mes të cilët shihen disa simbole provokative, si syri i shoqërisë sekrete Iluminati.
Kush e kishte menduar se Armina Mevlani është adhuruese e tatuazheve? Në fakt, modelja nuk i ka rezistuar tundimit, ndonëse tatuazhin e ka realizuar në një vend jo shumë të dukshëm. Ajo ka shkruar në ije “Vita dolce vita”.
