Pasditen e djeshme, Tayna ka publikuar këngën e re që mban emrin “Kce”. Siç kishte zbuluar edhe më herët, kjo këngë i dedikohej femrave dhe gjithçka në video sillej rreth tyre. Reperja është gjatë gjithë kohës e shoqëruar nga vajza që festojnë dhe kërcejnë. Bie në sy gjithashtu edhe prania e Kejvina Kthjellës, ish-velina e ‘Xing me Ermalin’.
Por një detaj tjetër që vihet re është ngjashmëria me këngën ‘7 Rings’ të Ariana Grandes. Nëse do t’i shikonit me vëmendje të dy klipet, do të kuptonit që ka ngjashmëri në trajtimin e klipit që ka në qendër femrat, festën dhe teksti ju dedikohet atyre. Po ashtu ka ngjashmëri në ngjyrat që mbizotërojnë në video.
Nuk dimë të themi nëse Tayna është inspiruar nga Ariana Grande, apo është një koincidencë, por kënga duket se është pëlqyer shumë dhe suksesi do të jetë i madh. /revistawho.com
