Që nga dita kur kryetari i Bashkisë së Tiranës Erion Veliaj dhe bashkëshortja e tij Ajola Xoxa pranuan publikisht shtatzëninë e saj, interesi tek publiku është shumë i lartë.
I ftuar në emisionin “Sokol Balla live” në “INRadio”, Veliaj ka treguar se ende nuk kanë menduar për emrin e djalit por ky fëmijë e ka bërë edhe më të përgjegjshëm për vendimet e tij.
“Skemi emër akoma, por sigurisht që tani më ka transformuar, edhe pse unë kam qenë shumë i ndjeshëm për fëmijët. Kam qenë shumë i vëmendshëm por tani jam bërë shumë herë më i vëmendshëm. Sot kur po vija në punë po sigurohesha që tek Sheshi Willson po bëheshin disa rregullime për uljen e trotuarit dhe po thoja me vete: Karroca kalon këtu? Kam filluar të vë re gjëra shumë të vogla që ndoshta i vinin re vetëm ata që kishin fëmijë. Kështu që si Erion besoj se fëmija do më bëjë njeri më të mirë.”- ka thënë kryebashkiaku./revistawho.com
