Sara Gjordeni ka postuar një postim mjaft të ndjerë në “Instastory”, duke i kushtuar disa fjalë plot dashuri partnerit të saj, këngëtarit Bardhi. Në këtë ditë të veçantë për çiftin, në 1-vjetorin e martesës, Sara ka shprehur mirënjohjen dhe ndjenjat e saj për bashkëshortin, me fjalë që kanë prekur ndjekësit.
“Një vit i plotë që mbaj mbiemrin e djalit më të mirë në botë! Faleminderit që je me mua, që ndalesh dhe shikon tek unë atë që realisht ISHA dhe JAM. Faleminderit që më mbron, më drejton, më gëzon, më mëson, më mban gjallë me ambicie e forcë. Copëza ime e fundit e puzzle-t të lumturisë! Lutem të zgjasë përgjithmonë ëndrra që po jetojmë, vetëm ne të dy, larg botës, larg fjalëve. Të dua çdo ditë e më shumë! 11/11”, ka shkruar Sara.
Çifti u njoh gjatë qëndrimit të tyre në “Big Brother VIP Albania”, ku lidhja e tyre nisi para syve të publikut dhe vijoi edhe pas përfundimit të spektaklit. Sot, Sara dhe Bardhi janë prindër të një vajze( Neas) dhe shpesh ndajnë me ndjekësit momente nga jeta e tyre familjare.
