Kur flasim për rep të mirë dhe të fortë, të parët që na vijnë nëpërmend janë djemtë më të kërkuar të momentit Lyrical Son, Mc Kresha dhe Ledri Vula. Prej kohësh, ata janë pjesë e labelit ‘PINT’ dhe prodhojnë vetëm hite. Nisur nga bashkëpunimi i sapo lançuar i tyre, RevistaWho.Com ka zgjedhur t’ju rikthej në vëmendje të gjitha herët, kur djemtë na bënë të ‘shkundeshim e tundeshim’.
Menemadhe:
Ka vetëm 24 orë që është lançuar dhe “Menemadhe” po ‘thyen’ rrjetin. Klikime pafund, kudo dëgjohet dhe flitet për të. Hiti i vitit është cilësuar nga të gjithë dhe për këtë nuk ka dyshim. Ritmi i këngës të bën të lëvizësh dhe jo vetëm. Jemi të bindur që diskotekat shqiptare do të shfrenohen…
Hip Hop:
Kënga Hip Hop’ fillon me një ‘sample’ nga këngëtari i muzikës folklorike Hysni Klinaku. Por përpunimi i këngës nën ritmet e repit është një gjetje e bukur që ndonëse kanë kaluar dy vite vazhdon të dëgjohet edhe sot. Këtë herë djemtë e suksesshëm i kënduan zhanrit të muzikës hip-hop. Bashkëpunimi goditi në veshin e çdo dëgjuesi dhe rezultoi super i pëlqyer.
Remix me dosta:
Ka qenë koha kur Ledri ishte pjesë e grupit Skillz dhe djemtë ndryshe nga sot kishin bashkëpunime më të gjëra. Mes tyre në këngë bënin pjesë dhe artistë të tjerë si Blero, F-Kay dhe Kaos. Këta të fundit duket se janë rikthyer sërih, pas Lumi B është bërë pjesë së fundmi në labelin ‘PINT’. “La vida, la vida loca, ne pijna dhe e bojna si bossa”…
The Anthem:
Rep i fortë që dinë ta bëjnë vetëm djemtë e Kosovës është edhe kjo këngë. Lyrical Son,Mc Kresha dhe Ledri pjesë e Skillz bën namin dikur me BimBimma, Kaos, Singullar dhe Dj Flow. Atëherë kur hip-hop ishte i pastër dhe në fazën e lulëzimit pa asnjë ndërhyrje ‘R&B’ djemtë e kallën gjithë Kosovën dhe Shqipërinë me “The Anthem”. Kur trasmetohet sot kjo këngë, të gjithë menjëherë ngrenë volumin.
Princess Diana:
“Princess Diana” është hiti i verës që sapo lamë pas. Nuk kishte pub, makinë dhe playlist që nuk ndodheshin Lyrical Son dhe Ledri Vula. Ndonëse këtë herë pa MC Kreshën ‘naçut’ ia dolën, na dërguan në kryeqytetin e Kubës, Havanën. “Cubana, a mundem me t thirr mañana, je ka mvjen sikur flladi n’Havana”…
Thirri Krejt Shoqet:
Pak më lart ju treguam bashkëpunimin e suksesshëm mes Ledri Vulës & Lyrical Son, mirëpo një tjetër bashkëpunim që bëri zhurmë të madhe kur u lançua ishte dhe “Thirri krejt shoqet”. Këtë herë Lyrical Son zgjodhi ‘gjysmën’ tjetër të tij Mc Kreshën. Ata thirrën krejt shoqet dhe bën namin në çdo pub shqiptar. Edhe këtë herë djemtë goditën në shenjë./revistawho.com
