Ditën e dielë në datë 28, ora 11:00 do të organizohet një koncert bamirësie në Sheshin Skënderbej. Eventi do të organizohet nga Spitali Amerikan në bashkëpunim me Bashkinë e Tiranës. Përveç tingujve të muzikës dhe argëtimit, një vëmendje e veçantë do t’i kushtohet informimit dhe ndërgjegjësimit për zbulimin e hershëm të sëmundjes që po prek gjithmonë e më tepër moshat e reja. Kjo sëmundje vdekjeprurëse po i prek gratë më shumë sesa tumoret e tjera. Të ftuar special do të jenë këngëtarët: Rovena Dilo, Orgesa Zaimi, Irma Libohova, Jonida Maliqi, Ermal Mamaqi, Manjola Nallbani, Eranda Libohova, Era Rusi dhe Orinda Huta.
Të gjithë do të bëhen bashkë për nismën që është ndërmarrë nga Spitali Amerikan në ndihmë të femrave dhe sensibilizimit të tyre në muajin e Kancerit të Gjirit. /revistawho.com
