Sara Hoxha këtë mbrëmje të diele ka vendosur të shuajë kuriozitetin e ndjekësve të saj në Instagram, rreth detajeve mbi shtatzëninë. Sara ka treguar që nga momenti kur mësoi se ishte shtatzënë e deri tek emocionet e pritjes me padurim për ardhjen në jetë të së bijës. Fillimisht Sara me një foto na zbuloi momentin kur i tregoi Ledrit se është shtatzënë përmes një komunikimi me kamera. Çifti shfaqen të emocionuar nga ky lajm dhe shumë të lumtur.
Por më fantastik nga të gjithë ka qenë reagimi i gjyshit të Ledrit, i cili nuk e ka lënë punën as me një buzëqeshje, as me përqafime, as me lot gëzimi. Ka thyer një mal me pjata dhe duket kaq i lumtur mbi copat e përhapura mbi dysheme. Sikur mos ta kishin xhiruar këtë moment, do kishin bërë thjesht mëkat.
Të emocionuar janë shfaqur edhe prindërit e reperit, të cilëve Sara u ka treguar përmes kamerës.
Asaj dhe Ledrit iu deshën të qëndronin 2 muaj larg njëri-tjetrit, pasi mësuan lajmin e ëmbël, për shkak të pandemisë.
