Shën Valentini është një nga festat më të mëdha për gjithë të dashuruarit dhe ku ka më bukur se dashurinë ta kurorëzosh pikërisht në këtë ditë. Edhe këtë vit një nga kompanitë më të mëdha në vend për organizimin e dasmave, ‘Ami Event’, vendosi që ditën e sotme në të njëjtin vend të bashkonte 100 çifte për të lidhur me martesë dashurinë e tyre. Ambientet e qendrës tregtare ‘TEG’ me arredimin më magjepsës për një dasmë, u kthyen në folezën e dashurisë së këtyre çifteve.
Gjithçka u mendua si një ceremoni e veçantë dasme dhe për të 100 çiftet ‘Dita e Shën Valentinit’, u kthye në ditën më unike për ta. Disa ditë më parë të gjithë çifteve u dhurua nga një fustan nusërie dhe kostum dhëndërie, si dhe kurse kërcimi falas për të qenë të përgatitur për ditën e shumëpritur.
‘Ami Event’ përpos gjithë këtyre mendoi për çdo gjë tjetër si për dekorin dhe fotografitë që memorizojnë çdo moment. Përveç gjithë këtyre një pjesë e çifteve kryen dhe procedurat e celebrimit në praninë e kryetarit të bashkisë Erion Veliaj,që do të mbetet një surprizë shumë e bukur për ta. /revistawho.com
