Shumë prej nesh i presim me padurim pushimet verore që të shkojmë në det. Megjithatë përveç kënaqësisë bregdeti na ofron edhe të mira shëndetësore.
Ja përfitimet që marrim nga koha e kaluar në det.
Minerale në ujin e detit
Në det mund të gjejmë nga një dallge tek tjetra rreth 92 minerale, sigurisht është vështirë t’ua kujtosh të gjithëve emrat, por më të njohurit dhe në vend të parë është jodi, përveç këtij minerali gjendet dhe magnezi, potasi, të duhura për organizmin tonë në shumë aspekte.
Lëkura
Pas një zhytjeje lëkura duket tonike dhe e shkëlqyeshme, më e lëmuar dhe e “pastër” nga qelizat e vdekura, si një lëkurë natyrale, që uji i detit arrin të kryejë në mënyrën më të thjeshtë dhe efikase. Jodi pastron lëkurën me një aksion dezinfektues dhe antiseptik. Nga pikëpamja dermatologjike është e njohur se ato që vuajnë nga aknet, puçrrat dhe plagë apo shenja, fal ujit të detit mund të kenë rezultate te shkëlqyera.
Celuliti
Jodi është në gjendje të luaj një aksion, përveç se sipërfaqësor edhe shumë më të thellë, ja perse të bësh një zhytje në det ndihmon edhe organet e brendshme. Celulitit edematoz është një nder ato situata të cilat mund të kurohen apo të ndihmohen edhe thjesht duke notuar në det.
Kilet e tepërta
Duke notuar në det muskujt tonifikohen dhe si pasojë humbisni kilet e tepërta, sigurisht duke ndjekur një diete të përshtatshme dhe të pasur me fruta dhe perime. Metabolizmi në fakt stimulohet nga mikroelement detar si jodi, në gjendje për të shpejtuar metabolizmin dhe të favorizojë humbjen në peshë.
