E zeza ka adhuruesit e saj dhe dy prej tyre ne i kemi veçuar. Bëhet fjalë për Fifin dhe Jonida Maliqin. Të dyja ndjekin një stil specifik në të veshur, por ajo që bie në sy është fakti që shpesh vishen ‘all black’ dhe duken shumë bukur. Nëse Jonidën e njohim si ikonë të modës pasi stili i saj ka rënë përherë në sy, Fifi është më e përqëndruar tek muzika, por së fundmi veshjet e saj nuk i kanë shpëtuar vëmëndjes, pasi ka nisur të tregojë gjithmonë e më shumë anën më sexy të saj.
Në fakt dashuria dhe dëshira për t’u veshur me të zeza tregon shumë për një person. E sqaruar nga studiuesit, ata që vishen shumë me të zeza duan të mbajnë një distancë specifike nga të tjerët, ose në të kundërt, duan t’i magjepsin ata që kanë pranë.
E zeza është shoqëruesja që nuk të zhgënjen kurrë. Dukesh bukur me të në çdo rast pa u munduar shumë.
Nëse vishni shpesh të zeza nuk domethënë se jeni depresiv, në fakt jeni plot vetëbesim, keni sharm, jeni serioz dhe shumë tërheqës.
Personat që e zgjedhin këtë ngjyrë zakonisht admirojnë elegancën dhe gjërat e sofistikuara, përshkrim ky që lidhet shumë mirë me Jonidën. Tek adhuruesut hyjnë edhe personat që kanë dëshirë të kontrollojnë çdo detaj dhe vlerësojnë rendin dhe rigorozitetin.
Nëse e gjeni veten në këtë listë, fotot e përzgjedhura të Jonidës dhe Fifit me siguri do ju ndihmojnë të frymëzoheni për disa kombinime./revistawho.com
