Të rinjtë në Aleppo: “Kjo mund të jetë videoja jonë e fundit”

Disa të rinj nga Aleppo, Siri kanë publikuar mesazhe lamtumire në rrjetet sociale. Të rinjtë janë lutur që t’i jepet fund konfliktit që po zhvillohet në Aleppo. Mesazhet janë publikuar në Twitter, Facebook dhe Youtube. Në një nga videot Salah Ashkar, lutet për ndërhyrje për t’i dhënë fund sulmeve brutale në Aleppo: “Ju lutem, na shpëtoni, kjo mund të jetë videoja ime e fundit.” Një tjetër person , i quajtur Omar, teksa filmon veten dëgjohen të shtënat e armëve dhe bombat që plasin lutet për t’i shpëtuar. Lina Shamy postoi një video në Twitter ku tha: “Të gjithë ata që më dëgjojnë, ne jemi të ekspozuar ndaj një genocidi në qytetin e Aleppo.” Qytetarët janë të bllokuar brenda qytetit sirian Aleppo. Ata janë duke kaluar momente tmerri nga lufta.