Vrasje të vogla/ Ja çfarë do ndodhë në episodin e parë të serialit të ri

“Vrasje të vogla” është seriali më i ri turk që fillon nesër në TV Klan, një serial i transmetuar gjatë viteve 2017-2018 dhe që ka patur një sukses të madh me shikueshmëri në nivele të larta. Seriali flet për katër gra, dikur mikesha në fëmijëri të quajtura Oja, Merve, Pelin dhe Arzu. Tre prej tyre u martuan dhe vazhduan jetën në të njëjtën lagje ndërsa njëra prej tyre, Oja rikthehet për tu hakmarrë. Revistawho.com ju tregon se çfarë do të ndiqni nesër në episodin e parë të këtij seriali. Seriali fillon me një festë ku ndodh një vrasje që mbetet mister. Të ftuarit shoqërohen në polici për të dhënë dëshmitë. Oja e cila është doktoreshë i shpëton jetën një vajze e cila tenton të hidhet nga ballkoni. Ajo takohet me mikeshat e fëmijërisë, Merven, Pelinin dhe Arzun në një funeral. Pelin dhe Arzu nuk reagojnë mirë kur e shohin Ojan dhe ju kujtohet e shkuara e tyre. Vajzat prezantohen me njëra-tjetrën pas 20 vitesh. Oja u tregon se punon doktoreshë dhe nuk është martuar. Ndërsa Merve, Pelin dhe Arzu i tregojnë Ojas se janë martuar dhe janë bërë me fëmijë. Merve e fton Ojan të hanë drekë të katërta së bashku. Oja pranon por Pelin dhe Arzu nuk e presin mirë këtë. Oja takohet me Edipin, profesorin e saj dhe i tregon se u takua me vajzat. Asaj i kujtohet momenti kur e përjashtuan nga shkolla 20 vite më parë. Në episodin e parë do njiheni edhe me bashkëshortët e Merves, Pelinit dhe Arzus. Të tre janë ta pasur dhe të suksesshëm. Merve është e martuar me Serhanin, një nga meshkujt më të pashëm të serialit dhe bashkë kanë një vajzë. Pelin është e martuar me Tajlanin dhe kanë një djalë. Ndërsa Arzu është e martuar me Mehmetin dhe kanë dy fëmijë. Pelin dhe Arzu dyshojnë se Oja nuk e ka harruar të shkuarën. Oja, Merve, Pelin dhe Arzu drekojnë së bashku. Merve ndihmon Ojan për të gjetur shtëpi në lagjen e tyre. Oja zhvendoset në shtëpinë e re./revistawho.com