Edhe pse pak me vonesë, edhe Irma Libohova ka zgjedhur t’i bashkohet sfidës të famshme “10 years challenge”, por me një koncept tjetër. Ndryshe nga artistët e tjerë që publikuan foto të 10 viteve më parë, Irma ka treguar se çfarë mendimesh ka pasur në 2008. Këngëtarja e njohur ka publikuar në ‘Instagram’ një pyetësor të 10 viteve më parë, në të cilin ajo u është përgjigjur shkurtimisht pyetjeve të ndryshme në lidhje me muzikën dhe jetën e saj. Ajo ka thënë se nuk dëshiron t’i heqë asnjë presje gjërave që ka thënë, përveç diçkaje që e bën të qeshë shumë. Në intervistën e saj Irma ka rrëfyer se ka frikë nga shkallët dhe me këtë gjë i vjen për të qeshur, sepse mesa duket vazhdon të ketë të njëjtën fobi edhe sot.
Një ndër gjërat që tërheqë vëmendjen është edhe përgjigja që ajo ka dhënë për profesionin e saj. Irma ka thënë se gjëja më e keqe në muzikë është të bësh sikur këndon.
Ndoshta kjo është një ndër arsyet pse ende dhe sot pas 40 vitesh Irma mbetet ndër artistet e preferuara të publikut shqiptar, sepse ajo i është dedikuar gjithmonë me shpirt pasionit të saj më të madh dhe nuk ka bërë asnjëherë sikur ka kënduar. /revistawho.com
