Brad Pitt është një ndër meshkujt më të përfolur në showbiz për lidhjet e tij të dashurisë. Është folur shumë për martesën dhe ndarjen e tij me Angelina Jolie, si dhe lidhja me Jennifer Aniston apo me disa modele. Së fundmi është mësuar se këto gjashtë muajt e fundit, Pitt ka pasur marrëdhënie me një arkitekte dhe profesoreshë shumë të njohur, Neri Oxman. Në nëntor të vitit të kaluar Brad dhe Neri kanë publikuar një fotografi nga zyra e kësaj të fundit.
Një burim për ‘Daily Mail’ ka thënë se dyshja ndajnë një pasion shumë të madh për arkitekturën dhe se kjo mund të cilësohet më shumë si një miqësi profesionale. Gjithashtu thuhet se miqësia midis të dyve nuk është kthyer ende në romancë, por ka shumë mundësi që kjo gjë të ndodhë në të ardhmen. /revistawho.com
