Për këngëtarin Eugent Bushpepa duket se suksesi nuk ka fund. Këtë herë është gazeta prestigjoze “The Sun”, e cila ka shkruar disa rreshta për artistin e mirënjohur shqiptar. Është një shkrim i detajuar i cili fillon me pyetjen: “Në edicionin e këtij viti të festivalit europian, Shqipëria do të shpresojë të sigurojë fitoren me këngëtarin Eugent Bushpepa, por a do t’ia dalë?”. Më pas shkrimi vazhdon duke treguar për jetën profesionale dhe artistike të tij. “Eugent Bushpepa, i njohur me shkurtimin Gent, lindi në Rrëshen të Shqipërisë, në 2 korrik të vitit 1984”-shkruan tabloidi. “Ai nisi të këndonte në moshë të re dhe në mënyrë që të përmbushte ëndrrën e tij, në 2006-ën iu bashkua një programi ‘Talk show’, në Top Channel, si këngëtar. Që atëherë, Eugenti ka qenë pjesë e skenës muzikore, duke u bërë një prej këngëtarëve më popullorë në vend”, vijon më tej ‘The Sun’. Tablodi kujton se Bushpepa ka performuar me legjendën e ‘Guns n roses’, Ron Thal. Pavarësisht se është pjesë e industrisë që prej 2006-s, Eugenti nuk ka publikuar ende një album të plotë, por vetëm një numër këngësh. E përditshmja britanike shkruan se Bushpepa u shpall fitues i edicionit të 56 të këngës në Shqipëri, nga një juri profesionale duke mundur një sërë këngëtarësh të tjerë të suksesshëm. Ky shkrim me siguri do të jetë një ogur i mirë për këngëtarin, pasi lajmi është lexuar dhe pëlqyer nga mijëra njerëz anembanë botës./ revistawho.com
