“THE VOICE” / Sidrit Bejleri: Ka qenë vendimi më i vështirë, disa nuk më njohën fare

Kjo e premte në “The Voice Of Albania” ka qenë shumë e vështirë për të katërt anëtarët e jurisë. Të gjithë ata, përpara se të thonin emrin e konkurrentit që do të largohej, janë arsyetuar duke thënë se asnjëherë më parë nuk ishin gjendur në këtë pozitë. Njëri prej tyre, këngëtari Sidrit Bejleri, e ka vijuar arsyetimin e tij në rrjetin social ‘instagram’, ku ka publikuar këtë status… “Ka qenë një ndër vendimet më të vështira që kam marrë, sidomos në “Voice”… Ishte hera e parë që unë arrija në këtë fazë me një treshe të tillë “bombastike”… Jam munduar gjithmonë të jap maksimumin tim me çdo konkurrent gjatë pesë viteve dhe për ketë nuk kam pak dëshmitarë. Disa kishin dhunti të lindura, dhuratë nga Zoti. Disa kishin dëshirë, vullnet dhe inteligjencë e disa të tjerë më pak nga të gjitha. Disa arritën të jenë mirëkuptues e mbi të gjitha falenderues kurse disa të tjerë mesa duket nuk më njohën fare… Ani, nuk ka gjë, kur të rriten…”, – ka shkruar Bejleri, i zhgënjyer nga disa prej konkurrentëve.