Këngëtari i muzikës R&B, The Weeknd, sapo ka nxjerrë në treg albumin e tij “My dear melancholy’ dhe fansat po bëjnë më të mirën e tyre duke analizuar çdo fjalë të këngëve për të bërë lidhjen me ish të dashurën e tij, Selena Gomez. Dhe në të vërtetë njëra prej këngëve të albumit duket se është shkruar e gjitha nga fillimi në fund vetëm për Selenën. Kjo këngë flet qartësisht për një nga lidhjet më të rëndësishme në jetën e The Weeknd.
Në fillim të këngës flitet për një çift që gjetën njëri-tjetrin, por më pas djali është penduar që ka rënë në dashuri me vajzën. Më tutje pjesa e dytë e këngës duket se ka lidhje me operacionin e veshkës që ka bërë Selena dhe nënkupton se The Weeknd ishte pothuajse një dhurues. “Thashë se nuk ndjeva asgjë e dashur, por gënjeva, unë gati preva një copë nga vetja ime për jetën tënde”, – thuhet në këngë. Më pas ai bëhet më i ashpër në një pjesë të këngës, sepse sipas tij Selena e ka përdorur thjesht për të kaluar kohën, dhe më pas u rikthye sërish në krahët e ish të dashurit duke nënkuptuar Justin Bieber. /revistawho.com
