14 shkurti është konsideruar gjithmonë si dita e dashurisë, ndërsa data që e pason ka simbolizuar ata më pak fatlumë që ende janë beqarë. Nëse edhe ju e gjeni veten tek ajo kategori, kemi disa shprehje shumë të bukura të thëna nga personazhe të njohur të ekranit ndër vite. Disa prej tyre kanë dalë nga lista e beqareve, por thëniet e tyre vazhdojnë të kenë vlerë të njëjtë.
Demi Lovato
“Pjesa më e mirë e të qëndruarit vetëm është fakti që unë e di se lumturia ime vjen vetëm nga unë dhe nga askush tjetër”.
Lucy Hale
“Kur isha më e re, gjatë gjithë kohës kërkoja të kisha takime me dikë sepse kisha frikë të isha vetëm. Tani jam në një pikë të jetës kur dua që personi që vjen të më bëj shumë të lumtur përndryshe jam mirë beqare”.
Emma Watson
“M’u desh shumë kohë të kuptoja se nuk kam pse të stresoj veten që të rregulloj jetën time dhe gjithçka para të 30-ave. Jam e lumtur që jam beqare dhe e quaj këtë fazë, partneritet me veten”.
Rihanna
“Djemtë duan vëmendje. Duan t’iu kënaqësh egon. Unë ja jap këto gjëra familjes sime dhe punës, por asnjë mashkull nuk e meriton në këtë moment”.
Khloe Kardashian
“Të jesh beqare është shumë e shëndetshme për të gjithë”.
Taylor Swift
“Mua beqaria nuk më jep ndjesinë e vetmisë. Unë kam dashuri në jetën time, por nuk kam një marrëdhënie dhe ky fakt më bën të lumtur”.
Katy Perry
“Kam kuptuar që jetoj në një përrallë moderne, por nuk më duhet një princ magjepsës për një fund të lumtur. E bëj vetë fundin e lumtur”.
Jennifer Aniston
“As mos e mendo se të duhet një burrë për të pasur fëmijë. Ka mënyra plot për ta bërë këtë ëndërr realitet vet”./revistawho.com
