Vitin që vjen, Italia do mirëpresë të gjithë pjesëmarrësit e ‘Eurovision 2022’, si vendi që mori stafetën për zhvillimin e kompeticionit të njohur europian pas fitores së grupit Maneskin këtë vit. Që tani, kur përgatitjet janë ende në fillesa, pasi sapo është hapur audicioni për qytetet që duan të marrin drejtimin e kompeticionit, fjalë po qarkullojnë edhe për drejtuesit e saj. Në krye të listës së kandidatëve sipas atyre që po qarkullojnë janë: Chiara Ferragni dhe Alessandro Cattelan, që njihet ndryshe si Jimmy Fallon i Italisë.
Lajmi u hap nga e përjavshmja ‘Oggi’, sipas së cilës ‘Rai’ ja ka vënë sytë influenceres së njohur në të gjithë botën dhe moderatorit të suksesshëm. Për momentin të gjitha janë veç thashetheme, por kaq u desh që gjithë ‘Twitter’ të mbushet me opinione (goxha pozitive) për këtë dyshe./revistawho.com
