Menjëherë pasi doli nga burgu, Stresi u kthye sërish në qendër të vëmendjes të portaleve shqiptare së bashku me bashkëshorten e tij, kjo pasi kanë filluar të qarkullojnë thashetheme se dyshja i ka dhënë fund lidhjes së tyre. Gjithçka nisi kur Keisi hoqi mbiemrin ‘Lushaj’ nga biografia e saj në ‘Instagram’ dhe një shprehje dyshuese krahas një fotoje të saj. Pavarësisht këtyre, detaji në foton e fundit të Keisit mund të tregojë se në fakt gjërat nuk janë aspak ashtu siç të gjithë mendojnë. Ajo mban në qafë një varëse me shkronjën “A”, dedikuar Stresit i cili emrin e vërtetë e ka Arkimed dhe krahas fotos shkruan: “Detajet… nuk ka nevojë për efekte”. Nuk e dimë nëse publikimi i kësaj fotoje ka qenë në një farë mënyrë reagimi i Keisit ndaj lajmeve të ndarjes, megjithatë mbrëmjen e djeshme ajo ka festuar ditëlindjen e mikeshës së saj në një koncert të Ledri Vulës, nga ku ka publikuar video dhe foto të ndryshme./revistawho.com
