Aktorja indiane Navina Bole aktualisht luan një rol negativ në “Bixhoz me dashuri” por në një intervistë së fundmi ajo ka zbuluar se në episodet të cilat po transmetohen aktualisht në Indi, ajo do të transformohet në një personazh komplet tjetër. Navina është shprehur se roli i saj “Tia” nga negativ do të kthehet në pozitiv dhe do të jetë mikeshë me Anikën dhe Shivain. “Kjo do të jetë hera e parë që do të shohim diçka të tillë në serialet indiane sepse personazhet ose janë të mirë, ose të këqinj mbesin deri në fund. Por kjo është një ide interesante dhe gjithçka ka ndryshuar. Tia tani nuk është më djallëzore dhe nuk sillet më njësoj. Karakteri im është konceptuar shumë mirë. Dikur Tia e urrente Anikën, por tani ajo sillet mirë me të dhe Shivain. Më kanë kërkuar që Shivait mos t’i thërras më “bejbi” dhe të mos flas më për universin. Tia është më e maturuar tani”-ka treguar aktorja Navina Bole. Megjithatë episodet që po transmetohen aktualisht në Indi e ku Tia ka një rol pozitiv do duhet shumë kohë që t’i shohim e deri atëherë na mbetet të shijojmë episdet e tanishme ku ajo luan rol negativ./revistawho.com
