Ministria e Shëndetësisë bënë të ditur se në 24 orët e fundit janë kryer 2592 testime dhe kanë rezultuar pozitiv 786 persona, një shifër rekord kjo infektimesh.
Rastet pozitive të konfirmuara në 24 orët e fundit janë identifikuar në këto bashki: 379 në Tiranë, 71 raste në Gjirokastër, 35 raste në Shkodër, 31 raste në Fier, 28 raste në Krujë, 25 raste në Kavajë, 24 raste në Elbasan, 23 raste në Vlorë, Berat, Sarandë, 20 raste në Tepelenë, 18 raste në Lushnje, 14 raste në Durrës, 10 raste në Bulqizë, 8 raste në Pukë, 7 raste në Kurbin, Lezhë, Mat, Pogradec, 6 raste në Përmet, 4 raste në Delvinë, 3 raste në Korçë, Devoll, Kukës, Mirditë, 2 raste në Malësi e Madhe, Gramsh.
Pavarësisht përpjekjeve të mjekëve, 11 persona kanë humbur jetën si pasojë e sëmundjes. Viktimat janë një 51-vjeçar dhe 64-vjeçare nga Shkodra, dy 62-vjeçar një nga Kavaja dhe një nga Vlora, një 65-vjeçar nga Kruja, një 69-vjeçar nga Berati, një 71-vjeçare nga Lushnja, një 74-vjeçar dhe një 75-vjeçar nga Fieri, një 81-vjeçare nga Gramshi, një 81-vjeçar nga Tirana.
Aktualisht në 3 spitalet COVID, po trajtohen 424 pacientë, 11 në terapi intensive, nga të cilët 4 të intubuar.
Në 24 orët e fundit janë shëruar 349 qytetarë, duke e çuar numrin e të shëruarve 14,565 që nga fillimi i epidemisë.
