Një udhëtim dramatik me avionin “Boeing 777” ka ndodhur nga Jakarta në Bangkok. Në të fluturonin 72 pasagjerë dhe 12 pjesëtarë të ekuipazhit. Mjeti fluturues është përfshirë nga një turbulencë shumë e fortë që përpos frikës së madhe ka shkaktuar dhe pasoja të tjera. 6 prej pasagjerëve kanë përfunduar në spital. Në lartësinë e Singaporit avioni u has me një seri turbulencash të tmerrshme dhe të papritura, tregon Sarah-Jayne Edwards, 39 vjeçe, e cila udhëtonte me të bijën AsiaLilly. Ajo ka rrëfyer për “Mail Online” se ka kaluar 2 orët më të llahtarshme të jetës së saj. Përgjatë dy orëve avioni ka bërë ulje-ngritje disa herë, ndërsa pasagjerët përplaseshin në tavanin e mjetit. Ata më fatlumët kanë gjetur mundësinë të bëjnë edhe disa foto që ilustrojnë më qartë atë që ka ndodhur. Korridori i avionit duket si fushëbetejë, e disa prej ulëseve janë të njollosura me gjak.
