Topuzi i çrregullt i Meghan Markle do të thotë më shumë nga ç’mendoni, ja si e shpjegojnë ekspertët

Meghan Markle është kthyer në një burim frymëzimi për shumë femra, për shkak të stilit të saj mjaft të veçantë dhe natyral. Qëkur ajo është bërë Dukeshë gjithmonë ka rënë në sy modeli i flokëve të saj, një topuz i thjeshtë, i cili bie ndesh edhe me protokollin e familjes mbretërore. Pothuajse të gjitha femrat e pallatit mbretëror zgjedhin modele flokësh të pastra dhe shumë të rafinuara, por ky nuk është rasti i Meghan. Sociologia e njohur, Dr Anna Akbar ka thënë për ‘Elle’ se topuzi i çrregullt është një strategji e përdorur nga Meghan. Ajo ka shtuar se Meghan dëshiron që të jetë e veçantë nga pjesa tjetër e familjes mbretërore dhe të krijojë personalitetin dhe stilin e saj. Gjithashtu sociologia ka thënë se asnjë veprim i Meghan nuk është rastësor, sepse pas çdo gjëje ka një mesazh. Meghan në një farë mënyre do të tregojë se pavarësisht se është bërë pjesë e familjes mbretërore, ajo nuk mund të heqë dorë nga stili, karakteri i saj dhe çdo gjë tjetër që e identifikon. /revistawho.com