Ndonëse kanë kaluar shumë muaj nga skandali i tradhtisë së Tristan Thompson me Jordyn Woods, duket se Khloe Kardashian nuk ka mundur t’i falë. 35-vjeçarja ka treguar herë pas here publikisht se do të kujdeset maksimalisht për vajzën e saj 1-vjeçare, True së bashku me ish-partnerin e saj megjithatë nuk ka lakuar në asnjë moment një mundësi të dytë për të.
Pas kaq kohësh duket se Thompson është duke u përpjekur në mënyra nga më të ndryshmet për ta fituar sërish Kardashian. Basketbollisti ka komentuar shpeshherë në fotot e Khloe-s, duke u shprehur se ajo është perfekte. Burime pranë Tristan kanë zbuluar për ‘Hollywoodlife’ se ai dëshiron ta rifitojë sërish mamanë e vajzës së tij.
Pavarësisht këmbënguljes së tij, Khloe ka zgjedhur të mos i kthejë përgjigje në asnjë moment Thompson./revistawho.com
