Gratë në familjen mbretërore janë vazhdimisht në qendër të vëmendjes, kështu që natyrisht ato sigurohen që të gjitha eventet e tyre zyrtare ose jo, të zhvillohen pa probleme. Askush nuk dëshiron që diçka të shkojë keq me veshjen kur ke qindra kamera përreth! Prandaj Cosmopolitan ka sjellë një listë të trukeve gjeniale që kanë ndihmuar Kate Middleton, Meghan Markle dhe Princeshën Diana me veshjet e tyre.
Princeshë Diana përdorte çantat e vogla për të mbuluar dekoltenë.
Kate Middleton vendos ngjitëse brenda këpucëve me takë për të mos i rrëshkitur këmba nga getat, të cilat duhet t’i veshin patjetër sipas protokollit mbretëror të veshjeve.
Princeshë Diana vendoste kapele me krehër të fshehur nën to. Kjo bëhej në mënyrë që kapelet të qëndronin perfekte dhe të mos lëviznin nga koka.
Kate Middleton përdor rrjetë për të mbajtur flokët e kapura mbrapa të rregullta dhe të pa lëvizura.
Shpesh gratë e familjes mbretërore veshin copa të rënda në mënyrë që të mos kenë ndonjë incident kur fryn erë.
Meghan Markle vesh shpesh body në vend të bluzeve pasi ato qëndrojnë në vend. Në një dalje publike, Meghan dukej sikur kishte veshur kostum bluzë e pantallona, por në fakt ishte një body.
Meghan gjithashtu pëlqen t’i mbajë flokët topuz pasi kështu thuhet se ato nuk dëmtohen.
Mbretëresha vishet me ngjyra të çelura që njerëzit ta dallojnë.
Meghan përdor highlighter nga Yves Saint Laurent’s Touche Éclat për të mbuluar rrathët e zinj poshtë syve.
