Gabby Petito është vrarë. Rezultatet e autopsisë kanë konfirmuar se trupi i gjetur të dielën në Pyllin Kombëtar Bridger-Teton i përket Gabby Petito-s, 22-vjeçares e cila u zhduk ndërsa ishte në një udhëtim duke eksploruar parqet kombëtare me të fejuarin e saj, Brian Laundrie, ka deklaruar FBI-ja në Denver.
FBI shkroi në Twitter se mjeku Dr.Brent Blue doli në përfundimin se shkaku i vdekjes së blogeres së njohur ishte vrasja.
“Kushdo që ka informacion në lidhje me rolin e Laundrie në këtë çështje ose vendndodhjen e tij aktuale duhet të kontaktojë FBI -në,” tha agjenti special Michael Schneider, që po merret me çështjen.
Ndërkohë fejuari i Gabby Petitos vazhdon të jetë i zhdukur, pa asnjë gjurmë.
Zyra e FBI-së në Denver tha se agjencia kërkon informacion nga kushdo që mund të ketë pasur kontakt me Petito ose Laundrie, që ka vizituar zonën e kampeve mes datave 27-30 gushtit ose që mund të ketë parë automjetin e tyre.
Kërkimet për të fejuarin vazhdojnë
Kërkimi i policisë për të fejuarin e Gabby-t, Brian Laundrie vazhdoi të martën në një park natyror në Florida, ku prindërit e tij i thanë policisë se Brian u kishte treguar se do të shkonte javën e kaluar. Prindërit e Laundrie thanë se ai u largua nga shtëpia e tyre në North Port me një çantë shpine më 14 shtator për të shkuar në “T.Mabry Carlton Jr.Memorial Reserve”.
“Pas një kërkimi të kryer gjatë fundjavës dhe kërkimeve nga ajri në zonën prej 25 mijë hektarësh, ende nuk ka asnjë gjurmë të Brian”, tha policia.
Para se prindërit e tij t’i thoshin policisë se Laundrie u largua nga shtëpia më 14 shtator, ai nuk kishte pranuar të fliste me hetuesit dhe familja i kishte drejtuar tek avokati i tyre.
Çfarë ndodhi?
Gabby dhe Brian ishte një çift vlogerësh që udhëtimet e tyre i ndanin me miqtë virtualë. Një ditë fund-gushti, Brian u kthye i vetëm nga udhëtimi i radhës. Ai qëndroi vetëm për 10 ditë, derisa familja e Gabby-t të shqetësuar telefonuan Policinë dhe denoncuan humbjen e vajzës. Mosdenoncimi i Brian dhe një episode sherri që ka ndodhur në një nga udhëtimet e tyre ku dëshmitar ishte një polic që e ka regjistruar me kamerën e trupit momentin kur Gabby qan, i hodhën dyshimet tek Brian.
Ky i fundit nuk pranoi asnjëherë të flasë me Policinë, por i tregoi adresën e avokatit. Prej ditësh është zhdukur edhe ai. Historia mbetet enigmë. Familjarët e Gabby-t fajësojnë Brian./revistawho.com
