Tuba Buyukustun po përpiqet ta mbajë sa më larg vëmendjes së publikut jetën e saj private, aq sa për 3 muaj e ka mbajtur të fshehtë lidhjen me një biznesmen turk. Sipas mediave turke, aktorja është në një lidhje me pronarin e një agjencie konsultimi, Erdinç Çatak.
Dyshja nuk janë shfaqur kurrë në publik dhe as nuk janë fotografuar bashkë nga paparacët, por prej 3 muajsh ndiqen në rrjete sociale.
I vetmi detaj që fansat kanë kapur është se të dy kanë publikuar foto nga i njejti vend në Bodrum muajin e kaluar.
Aktorja Tuba Buyukustun u bë shumë e famshme në vendin tonë me rolin e Elifit në “Diamante dhe dashuri” dhe më pas si Suhan në “Xhesuri dhe e bukura”. Aktorja tani luan rolin e Mavit në serialin “Vajza e ambasadorit”.
