Dy ditë më parë, në media qarkulloi lajmi se dy aktorët, Gent Hazizi dhe Ledio Lako u konfrontuan fizikisht me njëri-tjetrin në zonën e ish-ekspozitës. Sherri përfundoi me shoqërimin e dy aktorëve në polici, të cilët më pas u lejuan të shkojnë për t’u proceduar në gjendje të lirë. Sipas njoftimit të Policisë së Tiranës, ka qenë Ledio ai që ka qëlluar me një mjet metalik Gent Hazizin. Pas gjithë këtyre lajmeve, ka zgjedhur të reagojë vetë Ledio nëpërmjet një deklarate për gazetën “Panorama”. “Sherr artistësh, për çfarë do zihemi tjetër për drogë?! Jemi zënë për tekstin. Genti mund të jetë i axhituar, por këto doreza janë kot. U zumë kot, pas teatrit për punë roli. Jo roli jot, jo ma thuaj batutën, jo s’ma thua batutën. S’ka qenë ndonjë konflikt për t’u raportuar, por me që po kalonte policia aty. Me shpulla jemi goditur. Nuk të nxjerr njeri nga rajoni po të gjuash me dorezë, mjet metalik të fortë”, është shprehur aktori. Ndërsa vetë Genti ka zgjedhur që për momentin mos të reagojë ende.
U konfrontuan dy ditë më parë, Ledio Lako rrëfen pse nisi sherri me Gent Hazizin
