‘U shokuam kur e mësuam’, Gori tregon si e pritën aktorët fundin e serialit

Pas më shumë se 2 vitesh transmetim në Indi, serialit “Bixhoz me dashurinë” i ka ardhur fundi. Aktorët po xhirojnë momentalisht episodet e fundit që do transmetohen këtë muaj në Indi. Mirëpo fundi i këtij seriali ka sjellur edhe zemërimin e fansave indianë pasi nuk do i shohin më bashkë në ekran Anikën, Gorin, Omin dhe Rudrën. Ndërkohë Shivai do luajë një rol të ri në një histori tjetër. Lidhur me mbarimin e serialit aktorja Shrenu Parik e cila luan rolin e Gorit ka folur së fundmi në një intervistë dhe është shprehur se mbarimi i serialit i ka gjetur të papërgatitur. “Ndihemi keq që do na duhet të largohemi por kështu është industria e televizionit, nuk mund të bëjmë asgjë për këtë. Ne jemi aktorë, ne luajmë rolet, sigurisht afeksionohemi me fansat por ne nuk kemi mundësi për të zgjedhur, nuk kemi fuqi për të vendosur. Ne vetëm mund të performojmë dhe të aktrojmë. I jam shumë mirënjohëse regjisorëve të serialit Bixhoz me dashurinë. Kështu është jeta. U shokuam kur mësuam se seriali do mbarojë. Nuk ishim të përgatitur”-u shpreh aktorja./revistawho.com