Deepali Pansare luante rolin e motrës së Kushit në serialin “Si ta quaj këtë dashuri”, mirëpo pas mbarimit të këtij seriali televiziv në vitin 2015, aktorja u tërhoq nga aktrimi. Prej disa kohësh ajo i është përkushtuar jetës familjare dhe djalit të saj të vogël. Madje së fundmi Deepali bëri edhe një ndryshim në pamje duke i prerë flokët shkurt.
Sot ajo i është përgjigjur fansave në Instagram dhe shumë e pyesin se kur do rikthehet në ekran. Aktorja është shprehur se po pret për një serial të mirë që t’i rikthehet aktrimit. E pyetur se çfarë ishte për të seriali “Si ta quaj këtë dashuri”, Deepali u përgjigj “Ishte një moment historik”. Ndërsa pyetjeve në vazhdim mbi rikthimin në ekran, aktorja u përgjigj me këto fjalë “Do rikthehem, por më duhet të gjej një serial të mirë, po kërkoj për diçka interesante”./revistawho.com
