Rudina Dembacaj prej tre vitesh është pjesë e ekranit të “RTV Ora” me emisionin “Mos i fol shoferit”. Ky emision ka rezultuar mjaft i suksesshëm për shkak të ndërthurjes së humorit me intervistat me personazhe të njohur. Megjithatë ditën e sotme u përfol se Rudina është ndër të parat që do të preket nga lëvizjet në televizione për sezonin e ri. ‘Xing.al’ raportoi se moderatorja është larguar nga “RTV Ora” për të nisur një rrugëtim të ri në “Klan”. Thuhej se Rudina ishte parë shpesh në ambientet e televizonit kombëtar dhe se aty do të vazhdonte punën e re. E kontaktuar nga “RevistaWho.Com” Rudina ka konfirmuar se ka pasur bisedime me televizionin “Klan”, por mohoi faktin se është larguar nga “RTV Ora”. “Të jem e sinqertë kam pasur biseda me televizionin ‘Klan’, por nuk është e vërtetë që jam larguar nga ‘RTV Ora'”, është shprehur Dembacaj. Kjo do të thotë se moderatorja vazhdon të jetë pjesë e ekranit që i besoi si fillim drejtimin e një emisioni me autorësinë e plotë të saj. /revistawho.com
U tha se është larguar nga “RTV Ora”, Rudina Dembacaj zbulon të vërtetën
