Pas publikimit të këngës “Call out my name” të The Weeknd, në media u përfol se këngëtari i kishte dhuruar veshkën Selenës, kur ajo kreu transplantin. Këto aludime lindën pasi në një nga paragrafët e këngës thuhej: “Thosha që nuk ndjeja asgjë e dashur, por gënjeja. Gati preva një copë timen për jetën tënde”.
Por një burim për Daily Mail ka thënë se teksti i këngës është ekzagjerim dhe se Selena nuk do t`ia kishte kërkuar kurrë këtë gjë The Weeknd.
“Është thjeshtë një tekst kënge, ai e dinte që do të tërhiqte vëmendje dhe njerëzit do ta interpretonin në këtë mënyrë që e interpretuan. Por ai kurrë nuk do t`ia dhuronte veshkën Selenës. Ndoshta atij mund t`i ketë kaluar në mendje të bënte testin për të parë nëse përputhej, por Selena nuk ia ka kërkuar kurrë këtë gjë, madje as i ka kaluar në mendje. Ajo e pati të vështirë ta pranonte këtë nga shoqja e saj më e mirë dhe kurrë nuk do të lejonte të dashurin e saj ta bënte.” /revistawho.com
