Lidhja e këngëtarit Fero me modelen Arbenita Ismajli, ka qenë për shumë kohë në qendër të vëmendjes nga mediat. Menjëherë pasi e bënë lidhjen e tyre publike në ‘Instagram’, qarkulluan zëra se çifti mund të jetë ndarë, pasi Fero nuk e ndiqte më Arbenitën dhe foton me të e kishte fshirë nga profili. Më pas çdo gjë iu kthye normalitetit dhe të gjithë menduan se mund të ketë qenë thjeshtë një zënke, megjithatë asnjëri nga të dy nuk reagoi. Me postimin e fundit, Arbenita mund të ketë qartësuar të gjithë situatën. Ajo publikoi një video në ‘Instastory’ ku dukej e veshur me fustan të bardhë dhe mbi foto shkruante: “Nuse e ardhshme”. Arbenita gjithashtu ka përmendur se është duke pozuar për ‘Missguided’, por ajo mund ta ketë përdorur këtë postim për të dhënë një mesazh për ndjekësit e saj./revistawho.com
