Së fundmi Kiara Tito ju është bashkuar personazheve të njohur që kanë nisur “punën” si vlogger. Moderatorja e njohur deri më tani ka realizuar dy video dhe ditën e sotme ka publikuar një ‘make up tutorial’. Si asnjëherë më parë në videon e saj Kiara është shfaqur tërësisht pa ‘make up’ dhe duket njësoj e bukur, pavarësisht imperfeksioneve të vogla.
Moderatorja e ka pranuar se në daljet e saj publike është shfaqur gjithmonë e grimuar dhe e ka zbuluar për herë të parë në vlogg-un e saj se si duket kur nuk është e lyer. Kiara ka treguar se ka quka në fytyrë dhe si pjesa më e madhe e vajzave ka puçra, të cilat e shqetësojnë shumë.
Ajo ka thënë se në fillim mendonte se produktet kozmetike i shkaktonin puçrat, por më vonë ka zbuluar se ka lidhje me hormenet dhe se i kanë rekomanduar të ketë kujdes me ushqimet që konsumon. Moderatorja ka treguar se i pëlqen ‘make up-i’ natyral që përafron me ngjyrat e tokës dhe se përdorë një fondatinë që i mbulon çdo gjë. Kiara ka disa vite që është pjesë e televizionit dhe me siguri puna e saj do ta ketë ndihmuar shumë në zhvillimin e aftësive për bërjen e ‘make up-it’. /revistawho.com
