Kur Cristiano Ronaldo bëri hapin e madh, surpriza nuk ishte vetëm momenti por edhe madhësia e tij. Georgina Rodriguez ka rrëfyer për ELLE Spain prapaskenat e propozimit të verës, duke u ndalur te unaza 30 karatësh me vlerë rreth 3 milionë dollarë, që sipas saj ishte thjesht… minimale.
Modelja dhe sipërmarrësja, e cila do të martohet me yllin portugez pas një lidhjeje gati dhjetëvjeçare, nuk i kurseu komentet për bizhuterinë që mori. “Është e bukur. Është më e pakta që mund të më jepte pas dhjetë vitesh pritjeje”, tha ajo me humor, duke pranuar se në atë çast unaza nuk ishte aspak ajo që kishte në mendje.
Madje, shoku i momentit e bëri të mos e shijonte menjëherë. “Më duhej pak kohë për të kuptuar madhësinë e gurit. U shokova aq shumë sa e lashë në dhomën time dhe nuk e pashë në dritën e diellit deri të nesërmen“, rrëfeu Georgina.
Çifti është bashkë që nga viti 2016 dhe sot drejton një familje të madhe: dy vajzat e tyre, Alanën 7-vjeçare dhe Bellën 2-vjeçare, si edhe tre fëmijët e mëdhenj të Ronaldos Cristiano Ronaldo Jr. (15), dhe binjakët Eva dhe Mateo (8). Georgina foli gjithashtu për mundësinë e zgjerimit të familjes, pa e përjashtuar idenë e më shumë fëmijëve.
Në planin emocional, ajo theksoi se lidhja e tyre ka qenë e fortë që në fillim, përtej tërheqjes fizike. Siç u shpreh: “Nuk mund të them se e parashikova të ardhmen ose se e dija që dhjetë vjet më vonë do të kishim pesë fëmijë, por ndjeva diçka të pashpjegueshme. Ishte sikur shpirtrat tanë folën para se sytë tanë të takoheshin .”
Sa i përket dasmës, përgatitjet janë në proces. Sipas mediave portugeze, ceremonia pritet të mbahet në verën e vitit 2026 në Funchal, qytetin e lindjes së Ronaldos, me pritjen në një hotel luksoz në Madeira, pas përfundimit të Kupës së Botës 2026.
