Ditën e sotme ka qarkulluar një ku thuhej se Shqipëria dhe ishujt grekë mund të përfshiheshin nga një stuhi e fortë si pasojë e uraganit që po i afrohet Detit Mesdhe.
Por me sa duket Shqipëria nuk do të ketë stuhi të forta dhe uragani do të ndikojë vetëm në ndryshimin e temperaturave. Në një lidhje telefonike për “News 24”, meteorologia Tanja Porja tha se vendi ynë nuk kërcënohet nga kjo stuhi e fuqishme.
“Në fakt nëse flasim për situatën në fqinjin tonë jugor, Shqipëria ngelet në periferi të kësaj stuhie tropikale, që është krijuar prej 3-4 ditësh në kufijtë verilindor të Maltës. Ka pasur fuqizim të erërave. Ndaj kjo ka qenë dhe arsyeja që kemi pasur një erë të fuqishme në veri-lindje. Ajo po zhvendoset drejt brigjeve greke. Brigjet greke kanë pasur zhvendosje të erërave. Maksimumi i kësaj stuhie do të jetë gjatë ditës së shtunë. Do të zhvendoset drejt Qipros dhe do të futet në territorin turk dhe do të ulë intensitetin. Përsa i përket territorit shqiptar, ngelemi në periferi. Vetëm në zonat jugore priten reshje të pakta shiu dhe pjesërisht në qendër. Veriu nuk do të ketë shira, vetëm pak gjatë natës. Ngelemi të paprekur nga kjo stuhi e Mesdheut lindor. Stuhia ka ndikuar vetëm tek erërat. Presim shira në territorin shqiptar gjatë ditës së martë. Këto janë pasojë e një cikloni që zhvillohet në gjirin e Genovas që pritet të zhvillohet ditën e hënë”, tha Porja./revistawho.com
