Këngëtarja 21-vjeçare, Ella Travolta është emocionuar, teksa ka debutuar këngën e saj të parë, me një asistencë të vogël për sinkronizimin e buzëve nga babai John Travolta.
Marrëdhënia mes John Travolta dhe vajzës Ella sjell gjithmonë komente pozitive pasi ka shumë dashuri mes dyshes babë e bijë në të gjitha bashkëpunimet e tyre në rrjetet sociale.
Këtë herë, John e vendosi veten në rolin dytësor, por ai nuk mund të ishte më krenar pasi e bija debutoi këngën e saj të parë, “Dizzy”.
Ndërsa kënga u publikua nëpër çdo rrjet transmetimi, John dhe Ella të dy publikuan një video shoqëruese që përshkruan udhëtimin e Ella-s në shkrimin e këngëve.
“Shumë i lumtur dhe i emocionuar të them që kënga ime e parë, ‘Dizzy’, doli. Ka kaluar një kohë e gjatë, por unë jam ende ajo vajza e çuditshme 14-vjeçare në zemër dhe e dua. Shpresoj që t’ju pëlqejë”, ka shkruar ajo në një postim në Instagram.
Në fillim, Ella shihet duke sinkronizuar buzët me këngën e saj dhe brenda pak çastesh, John i bashkohet dhe këndojnë bashkë.
https://www.instagram.com/p/CYap9Z2Brvu/
