Kush tha që pasarelat janë vetem për modelet apo vajzat e ekranit?! “Geraldina Sposa” çdo vit ia dhuron këtë kënaqësi nuseve të saj, që pasi kanë pasur fatin të veshin fustanet apo të kenë organizuar dasmën nga ky sallon, të mund të përjetojnë edhe njëherë emocionet e veshjeve të nusërisë, por edhe që të ruajnë kujtimin e një nate, si modele të vërteta. Edhe nesër në 1 qershor, në sfilatën e madhe që salloni e organizon prej katërmbëdhjetë vitesh (ndërkohë është hapur në 1995), nuset e vërteta të Geraldinës do të sfilojnë me disa nga fustanet e importuara nga brandet më të njohura botërore, që tregtohen ekskluzivisht në sallon.
Tradita ka nisur pesë vite më parë, kur Xheni Shehaj, asokohe e sapomartuar përjetoi këtë përvojë të bukur duke çelur sfilatën. Një vit më pas, nje tjetër nuse sharmante, Edesa Metaj, vijoi traditën për të kulmuar dy vite më parë, kur këtë privilegj e patën plot 25 nuse të vërteta.
Ne sfilatën e sotme emocioni do u takojë dhjetë nuseve të tjera. Ky kalim do mbyllet me modelen Adrola Dushi, e ardhur enkas nga USA, e cila është shfaqur për të parën herë për publikun shqiptar në sfilatën e Geraldinës (përveçse edhe nuse Geraldine). Ajo sfilon me një fustan të veçantë, stiluar nga Hervé Moreau./ revistawho.com
