Amerikanët duhet të falenderojnë Dolly Parton për vaksinën anti-covid. Në muajin Prill këngëtarja e muzikës country dhuroi 1 milion dollarë në “Vanderbilt University Medical Center”, për të ndihmuar shkencëtarët për të gjetur vaksinën. Me këto para më pas u financua kërkimi i vaksinës në kompaninë Moderna. Kjo kompani së fundmi deklaroi se vaksina e saj ka rezultuar 94.5 përqind efektive. Dolly Parton u shpreh se ndihet e lumtur që paratë e saj shkuan për një kauzë kaq të mirë. “Jam shumë e lumtur që ndihmoj për diçka kaq të madhe. Kur i dhurova paratë, doja të bëja mirë dhe ashtu ndodhi”-tha këngëtarja. “Le të shpresojmë që do ta kalojmë dhe këtë së shpejti”-shtoi Dolly. Pas njoftimit se vaksina e Moderna ishte 94.5% efektive në parandalimin e Covidit, shumë shtete kanë marrë masat për të qenë të parat që do ta marrin atë.
