Valbona Selimllari vazhdon të mbajë kurorën si ‘Miss Shqipëria’, sepse bukuria dhe ëmbëlsia e saj është po e njëjtë si në kohën kur është kurorëzuar si më e bukura në vitin ’91.
Mbrëmjen e sotme, Valbona ishte e ftuar në emisionin ‘Në kurthin e Piter Pan’ dhe duke qenë se ajo është nënë e tre fëmijëve e kishte shumë të qartë mënyrën se si duhej të komunikonte me fëmijët e emisionit. Në pyetjet që ishin përgatitur për Valbonën, njëri prej fëmijëve e pyeti se çfarë mendojnë tre fëmijët e saj kur e shohin në ekran.
Valbona tha se në fakt ata kanë mosha të ndryshme nga njëri-tjetri dhe normalisht dhe mendimet nuk mund t’i kenë të njëjta. “Deni, djali i madh, ka filluar dhe më kritikon ndonjëherë, por kur i pëlqej më thotë ‘mami ishe yll’. Ndërsa djali i dytë, Keini sa herë më sheh në ekran më përqafon. Vivien që është dhe më e vogla, më thotë ‘ti je mami më i mirë, më i bukur në botë, të kam zemër’”, – ka treguar Valbona. /revistawho.com
