Muaj më parë, një nga pjesëtarët e familjes muzikore më të famshme “Three Dots”, lajmëroi se do largohej nga muzika. Bëhet fjalë për Dj Vicky, i cili me anë të një postimi në ‘Instagram’ publikoi vendimin e tij. Ditën e sotme i ftuar në emisionin e pasdites me Rudina Magjistarin, ai tregoi se ky nuk është një vendim i përhershëm. Artisti u shpreh se ashtu ishte ndjerë në moment dhe kishte vendosur të shkëputej, por rikthimi do të jetë i afërt. Vicky foli edhe për marrëdhënien me kolegët, pasi largimi i tij u mor si një krisje mes tyre. “Marrëdhënia me Three Dots-at vazhdon të jetë si një familje, madje familje e shëndetshme, Flori dhe çunat kujdesen për njëri-tjetrin dhe për mua”, u shpreh ai. Dj Vicky është një nga personazhet më karizmatikë, ndaj rikthimi i tij me siguri do pritet mjaft mirë.
